#chain

ვალენტინობის დღეს Cardano-მ განახლება Valentine გამოუშვა. როგორც ჩანს, იმისთვის, რომ მარტოხელა დეველოპერები უსაჩუქროდ არ დარჩენილიყვნენ. რა ხდება განახლებასთან დაკავშირებით? ქსელთაშორისი ხიდების შექმნის შესაძლებლობა ტრანზაქციებისთვის ბლოკების სხვადასხვა ჯაჭვებს შორის. კრიპტოგრაფიული ფუნქციების გაფართოება. dApp-ის შემუშავების გაუმჯობესება სმარტ კონტრაქტის პლატფორმაზე. ADA ტოკენის ფასი 8%-ით გაიზარდა და BTC-სა და ETH-ს გადაუსწრო.

კომპანიამ Arkham Intelligence მოამზადა აპლიკაცია, რომელიც Twitter-ის მომხმარებლის სახელის მიხედვით ეძებს მის აქტივობას სხვადასხვა ბლოკჩეინებში, მათ შორის Ethereum-ში, Polygon-სა და BNB Chain-ში. აპლიკაციას შეუძლია: იპოვოს საფულის მისამართები, რომლებსაც საძიებო ობიექტი უკავშირდებოდა; გაფილტროს მომხმარებლის ბოლო ტრანზაქციები; ბლოკჩეინზე მისი ქმედებების ვიზუალიზაცია მოახდინოს. ყველას, ვისაც სურს შეუერთდეს ამ გასაოცარ ინიციატივას, Waitlist-ში დასარეგისტრირებლად ეპატიჟებიან. მომლოდინეთა სიაში პირველებია ალბათ საგადასახადო სამსახურები და ფედერალური სარეზერვო სისტემის წარმომადგენლები ჩაეწერნენ.

Ethereum-ის მხარდამჭერები მოუთმენლად ელიან მომავალ კრიპტო-გაზაფხულს. ქსელის კიდევ ერთი განახლება, სახელწოდებით Shanghai Fork, მარტშია დაგეგმილი. Shanghai Fork-ი მომხმარებლებს მისცემს საშუალებას წვდომა მიიღონ Ethereum Beacon-ის ქსელში ბლოკირებულ სახსრებზე. კონტრიბუტორები შეძლებენ ტრანზაქციის გადამოწმებაში მონაწილეობას და განახლებული Ethereum-ის გამომუშავებას. JP Morgan თვლის, რომ Shanghai Fork-ი სასიამოვნო სიურპრიზი იქნება Coinbase-სთვისაც. სავარაუდოა, რომ ამ კრიპტობირჟის საცალო ინვესტორების 95%-მდე შეძლებს მონაწილეობა მიიღოს Ethereum-ის სტეიკინგში განახლების შემდეგ. საქმე იმაშია, რომ Coinbase-ს შეუძლია წელიწადში დაახლოებით. $225-$545 მლნ დამატებითი შემოსავლის იმედი იქონიოს.

პრესრელიზის მიხედვით, BMW აპირებს გამოიყენოს ბლოკჩეინის ტექნოლოგია ქაღალდის საბუთებთან მუშაობის შესამცირებლად და ტაილანდში ლოიალობის პროგრამის ინტეგრირებისთვის. ავტომწარმოებელმა Coinweb პლატფორმა აირჩია, როგორც დეცენტრალიზებული ინფრასტრუქტურის მიმწოდებელი და ასევე BNB Chain ბლოკჩეინი ტრანზაქციების განსახირციელებლად. ახალი ლოიალობის პროგრამის მეშვეობით BMW-ს მომხმარებლებს საშუალება ექნებათ მიიღონ ბლოკჩეინზე ჯილდოები შესყიდვებისთვის და სხვადასხვა დავალების შესასრულებლად. მომხმარებლები შეძლებენ ტოკენების გაცვლას BMW-ს, ასევე მესამე მხარის კომპანიების პროდუქტებსა და სერვისებზე, ტოკენების ტრანზაქციები BNB Chain-ში განხორციელდება.