#crypto

მიულოცეთ კიდევ ერთ ლეგენდას კრიპტელების ოჯახში! Irish Distillers Int'l-მა, Jameson ვისკის მწარმოებელმა, დაარეგისტრირა სავაჭრო ნიშანი მეტავერსისთვის! განაცხადიდან გამომდინარე, შეგვიძლია დავასკვნათ, რომ საკულტო მწარმოებელი გეგმავს ვირტუალური ალკოჰოლის, ნივთებისა და აქსესუარების, NFT-ს ვაჭრობისთვის პროგრამული უზრუნველყოფის გაყიდვას და, შესაძლოა, მარკეტპლეისის და ვირტუალური ბარის შექმნასაც კი! გოუ, გოუ, Jameson! ჩვენ არ ვიცით, როგორი იქნება ეს ყველაფერი, მაგრამ ყოველი ასეთი ბრენდი mass adoption-ს უწყობს ხელს.

Ethereum-ის მხარდამჭერები მოუთმენლად ელიან მომავალ კრიპტო-გაზაფხულს. ქსელის კიდევ ერთი განახლება, სახელწოდებით Shanghai Fork, მარტშია დაგეგმილი. Shanghai Fork-ი მომხმარებლებს მისცემს საშუალებას წვდომა მიიღონ Ethereum Beacon-ის ქსელში ბლოკირებულ სახსრებზე. კონტრიბუტორები შეძლებენ ტრანზაქციის გადამოწმებაში მონაწილეობას და განახლებული Ethereum-ის გამომუშავებას. JP Morgan თვლის, რომ Shanghai Fork-ი სასიამოვნო სიურპრიზი იქნება Coinbase-სთვისაც. სავარაუდოა, რომ ამ კრიპტობირჟის საცალო ინვესტორების 95%-მდე შეძლებს მონაწილეობა მიიღოს Ethereum-ის სტეიკინგში განახლების შემდეგ. საქმე იმაშია, რომ Coinbase-ს შეუძლია წელიწადში დაახლოებით. $225-$545 მლნ დამატებითი შემოსავლის იმედი იქონიოს.

რუსული პლატფორმა Solaris-ი გატეხა სავაჭრო პლატფორმა Kraken-მა, რომელიც ასევე რუსულენოვან აუდიტორიაზეა ორიენტირებული. Kraken-ში აცხადებენ, რომ აკონტროლებენ Solaris-ის ინფრასტრუქტურასა და Gitlab-ის რეპოზიტორიუმს, ასევე დაბლოკეს და გაძარცვეს მათი კრიპტოვალუტის საფულეები. ორივე პლატფორმა რუსულ ოპერატორთან არის დაკავშირებული და ორივეზე დარქნეტში ნარკოტიკებით და იარაღით ვაჭრობის მთლიანი მოცულობის დაახლოებით 25% მოდის. დანამდვილებით ცნობილია, რომ Solaris-ი სარგებლობდა კრემლის მომხრე ჰაკერების Killnet-ის მომსახურებით, რომლებმაც 2022 წელს განახორციელეს DDoS შეტევები უკრაინასა და ევროპაში სახელმწიფო სერვერებზე. Solaris-ის ყველა მომხმარებელი ახლა ავტომატურად გადამისამართდება Kraken-ის საიტზე, რადგან ჰაკერებმა არა მხოლოდ კოდზე და საფულეებზე მოიპოვეს კონტროლი, არამედ გააკეთეს გადამისამართებაც. უსასრულოდ შეიძლება უყურო სამ რამეს: ცეცხლის ალს, წყლის დინებას და რუსებს, რომლებიც ერთმანეთს ანადგურებენ. დღემდე უცნობია, რა არის ეს Kraken-ი. იქნებ ჩვენიანია ვინმე.

ზუსტად ამ დღეს, 12 წლის წინ, ბიტკოინებზე რაღაცის გაყიდვის პირველი მცდელობა შედგა. განცხადების ავტორს სურდა გაეყიდა 500 BTC-ად 1280x960 გაფართოების სურათი, რომელიც, მისი თქმნით, დაამშვენებდა დესკტოპს. იმ დროისთვის ეს იყო $1-ის ექვივალენტი. დღეს ეს არის თითქმის $12,000,000.00. როგორც ვიცით, ამ წინადადებით არავინ დაინტერესებულა. BTC-ით პირველი ოფიციალური შესყიდვისთვის მსოფლიომ აირჩია პიცა.

შეთანხმება, რომელმაც კრიპტობირჟა ბუნდესლიგის კლუბის პრემიუმ- პარტნიორად აქცია, გაგრძელდება 2023 წლის ივნისის ბოლომდე. ახალი პირობების მიხედვით, Coinbase თავისი პროდუქტების და სერვისების რეკლამირებას Signal-Iduna-Park-ზე (კლუბის საშინაო სტადიონი) მოახდენს და უზრუნველყოფს გუნდის წევრებს კრიპტო-საგანმანათლებლო პროგრამებით. გარიგების თანხა არ გამოცხადებულა. მაგრამ ეს არ არის ძალიან მნიშვნელოვანი. ჩვენ ხომ მაინც „ბარსელონას“ ვქომაგობთ.

ჯეიმს გორმანმა, Morgan Stanley-ის CEO-მ, განაცხადა, რომ გლობალური ეკონომიკა პიკედან გამოვიდა. პოზიტიურ ცვლილებებს ორმა ფაქტორმა შეუწყო ხელი: აშშ-ში ინფლაციამ პიკს მიაღწია აშშ-სა და ჩინეთს შორის ურთიერთობა გაუმჯობესდა გორმანი თვლის, რომ ჩინეთმა და შეერთებულმა შტატებმა საბოლოოდ მიაღწიეს შეთანხმებას: იმის ნაცვლად, რომ მსოფლიო სიმდიდრე ერთმანეთში გადაანაწილონ, გადავიდნენ მისი გაზრდის მისწრაფებაზე, რათა ყველამ მეტი მიიღოს. გორმანი ასევე ვარაუდობს, რომ FRS-ი არ გაზრდის განაკვეთებს 25 საბაზისო პუნქტზე მაღლა მომავალ თვეში. როგორც ჩანს, კრიპტოვალუტის ბაზარი სოლიდარულია.

Genesis Global-მაც ვერ შეძლო თავის გადარჩენა და ოფიციალურად განაცხადა გაკოტრების შესახებ. ნიუ-იორკის სამხრეთ სასამართლოს ინფორმატორები იუწყებიან, რომ ბირჟის დამფუძნებლები იყენებენ კოდექსის მე-11 თავს, რომელიც ითვალისწინებს „გაყიდვას, კაპიტალის გაზრდას ან ვალის რესტრუქტურიზაციას“. ანუ, ბირჟის შენარჩუნების შესაძლებლობა ჯერ კიდევ არსებობს, მაგრამ სხვა მფლობელთან. შეგახსენებთ, რომ Genesis Trading-ის კრედიტორების ვალი 3 მილიარდ დოლარზე მეტია. ამჟამად კომპანიის წარმომადგენლებს მხოლოდ 150 მილიონი დოლარის ნაღდი ფულის შეთავაზება შეუძლიათ.