#tokens

ჯასტინ ჰანი ისევ ჰაიპით არის დაკავებული. მისმა ბირჟამ Huobi-მ გამოაცხადა პროვოკაციული სახელწოდების მქონე მონეტის, FUD (FTX Users Debt) ლისტინგი. დეველოპერები გვპირდებიან, რომ მომავალში ყველა ტოკენს გამოისყიდიან და მათ FTX-ის დავალიანების დასაფარავად გამოიყენებენ. ანონსის ფონზე, ტოკენის ფასი რამდენიმე ასეული პროცენტით გაიზარდა, მაგრამ შემდეგ სწრაფად საწყის ფასს დაუბრუნდა. თუმცა სავსებით სავარაუდოა, რომ ასეთი ტოკენი შეიძლება პოპულარული გახდეს.

თითქოსდა უფასო SHIB-ის მისაღებად, მომხმარებლებს სთავაზობდნენ ფიშინგურ ბმულზე გადასვლას. ამის შემდეგ თაღლითები დაზარალებულის კრიპტო საფულეს უკავშირდებოდნენ და მის ყველა საცხსრებს ხსნიდნენ. ეჭვები გაჩნდა საბრედიტში r/CryptoCurrency. საზოგადოების წევრებმა დაიწყეს ფიშინგის შესახებ ინფორმაციის აქტიური გავრცელება, რათა სხვები არ გამხდარიყვნენ თაღლითობის მსხვერპლი. მათ ამას უწოდეს ყველაზე დიდი თაღლითური სქემა, რომელიც ამჟამად ვრცელდება Reddit-ზე. თუ თქვენ დააწკაპუნეთ ასეთ ბმულზე, სასწრაფოდ გადაიტანეთ თქვენი მონეტები და ტოკენები სხვა საფულეში. და გახსოვდეთ, თუ გარიგება ზედმეტად კარგად გამოიყურება იმისთვის, რომ სიმართლე იყოს, მაშინ, ალბათ, ძროხის ფუნაში ჩადგით ფეხი.

Coinbase-ის პროდუქტების განყოფილების ხელმძღვანელმა კონორ გროგანმა ყურადღება გაამახვილა ანონიმური საფულეების მიერ განხორციელებულ საეჭვო ტრანზაქციებზე, რომლებიც ყიდულობდნენ მონეტებს Binance-ზე ლისთინგის თაობაზე განცხადების გამოქვეყნებამდე რამდენიმე წუთით ადრე და ყიდდნენ მათ პამპის მომენტში. ეს ტრანზაქციები მოიცავდნენ Rar, ERN, TORN და RAMP ტოკენების შეძენას. გარიგებების თანხები მერყეობდა $100,000-დან $900,000-მდე. „ტრეიდერებმა“ რამდენიმე გარიგებაში მილიონობით დოლარის შოვნა მოახერხეს. გროგანი ვარაუდობს, რომ ამის უკან შეიძლება იდგეს "არასაიმედო თანამშრომელი, რომელსაც აქვს წვდომა ინფორმაციაზე ლისთინგის შესახებ და API პლატფორმაზე".

ფასიანი ქაღალდების კანონის შესაძლო დარღვევის გამო, კომისიამ მიზანში ბირჟა Kraken ამოიღო. ახალმა დირექტორმა, დეივ რიპლიმ უარი თქვა იმ ტოკენების დელისტინგზე, რომლებიც ჰაუის ტესტს ვერ გადიან და ახლა SEC-თან დავობს. გადაწყვეტილება ამ საქმეზე უახლოეს დღეებში იქნება მიღებული და ის მთელი კრიპტოსაზოგადოებისთვის იქნება მნიშვნელოვანი. ასევე დადის ხმები კერძო ინვესტორებისთვის სტეიკინგის სავარაუდო აკრძალვის შესახებ. Genesis და Gemini Kraken-ს გულშემატკივრობენ, რადგან მათ ანალოგიური ბრალი წაუყენეს.

პროექტმა Hivemapper დაასრულა რეგისტრატორის ბეტა-ტესტირება, რომლის მეშვეობით შესაძლებელია საავტომიბილო გზების გლობალური დეცენტრალიზებული რუკების შექმნაში წვლილის შეტანისთვისთვის ტოკენ Honey გამომუშავება. ტექნოლოგია მარტივია: 📌თქვენ გიხდიან იმ მარშრუტების ვიდეოებისთვის, რომლებსაც თქვენ რუკებზე მონიშნავთ. ამ ვიდეოებს ისინი ყიდულებენ, ვისაც ტოპოგრაფიული კრეტინიზმი ტანჯავს. 📌პროექტის ფაუნდერები თვითმფრინავის ფრთის ღირებულების ვიდეორეგისტრატორების გაყიდვით შოულობენ ფულს. ერთხელ ვიხუმრეთ, რომ მალე მაინინგს ჩაიდნებიც დაიწყებენ. კარგი, მოწყობილობაში შევცდით, მაგრამ, აშკარად, სწორი მიმართულებით ვაზროვნებთ. სენია, Move-to-earn- არააქტუალურია! -აქტუალური რა არის? - Drive-to-Earn

სექტემბერში Robinhood-მა გამოუშვა Robinhood Wallet-ის ბეტა-ვერსია 10,000 მომხმარებლისთვის, რომლებმაც მოასწრეს waitlist-ში დარეგისტრირება. ახლა საფულე 1 მილიონი მომხმარებლისთვის გახდა ხელმისაწვდომი, რომლებმაც ადრე თავიანთი მონაცემები მოლოდინის სიაში დატოვეს. Robinhood Wallet უფრო მეტია, ვიდრე უბრალოდ საფულე. ეს არის სრულფასოვანი აპლიკაცია ტოკენებით ვაჭრობისთვის და NFT-ების დასათვალიერებლად. ის უზრუნველყოფს წვდომას დამატებით Web3 ფუნქციებზე: კავშირი DeFi აპლიკაციებთან და NFT-მარკეტპლეისებთან Ethereum-ის და Polygon-ის ბლოკჩეინებზე.

პრესრელიზის მიხედვით, BMW აპირებს გამოიყენოს ბლოკჩეინის ტექნოლოგია ქაღალდის საბუთებთან მუშაობის შესამცირებლად და ტაილანდში ლოიალობის პროგრამის ინტეგრირებისთვის. ავტომწარმოებელმა Coinweb პლატფორმა აირჩია, როგორც დეცენტრალიზებული ინფრასტრუქტურის მიმწოდებელი და ასევე BNB Chain ბლოკჩეინი ტრანზაქციების განსახირციელებლად. ახალი ლოიალობის პროგრამის მეშვეობით BMW-ს მომხმარებლებს საშუალება ექნებათ მიიღონ ბლოკჩეინზე ჯილდოები შესყიდვებისთვის და სხვადასხვა დავალების შესასრულებლად. მომხმარებლები შეძლებენ ტოკენების გაცვლას BMW-ს, ასევე მესამე მხარის კომპანიების პროდუქტებსა და სერვისებზე, ტოკენების ტრანზაქციები BNB Chain-ში განხორციელდება.