კრიპტო სიახლეები

100 მილიონ დოლარზე მეტი გამოიყოფა იმ დეველოპერების მხარდასაჭერად, რომლებიც იყენებენ AI-ს ბლოკჩეინ აპლიკაციებში. TRON-ისგან გრანტის მიღების შანსი იმ გუნდებს აქვთ, რომლებიც წარმოადგენენ შემდეგ მიმართულებებს: • ელექტრონული კომერცია; • ვალუტური ანგარიშსწორება; • მონაცემთა მართვა; • ბაზრისა და ინვესტიციების ანალიზი; • ონტენტის შექმნა. კონტენტის შექმნა? მაგრამ ყველამ იცის, რომ GN ლიდერია კონტენტის შექმნაში! ამიტომ, გპირდებით, რომ არ გავქრებით რადარიდან, თუნდაც თავად ჯასტინ სანმა 20 მილიონი დოლარი გადმოგვითვალოს.

იდუმალი ჰაკერული თავდასხმის საქმე, როდესაც ფოტოს მეშვეობით $4 მილიონის ღირებულების ტოკენების კოლექცია მოიპარეს, გასაგები ხდება. ასეთი ჰაკის ტექნიკურ მხარესთან დაკავშირებით ბევრი სამართლიანი კითხვა არსებობდა. გამოძიებისას Trust Wallet-ში დაადგინეს, თუ როგორ მოხდა ეს. ერთი დღით ადრე ბოროტმოქმედმა მსხვერპლს NDA-ს ელექტრონული ვერსია და KYC ინფორმაციის მოთხოვნა გადასცა. ყალბი ხელშეკრულება გაუთქმელობის შესახებ შეიცავდა მავნე პროგრამას, რომელიც სმარტფონიდან ინფორმაციას კითხულობდა. ამის შემდეგ ბოროტმოქმედმა დაარწმუნა მსხვერპლი, სახსრები მულტიხელმოწერის მქონე საფულიდან ერთიან საფულე Trust-ში გადაერიცხა, რათა NFT-ის ფლობა დაედასტურებინა. სწორედ ამ პროცესში დააკოპირა მან მისთვის საჭირო ინფორმაცია. ბალანსის ფოტო მხოლოდ ყურადღების გასაფანტად იყო გადაღებული. ჩვენ ვფიქრობთ, რომ სქემა ჯეიმს ბონდის შესახებ შემდეგ სერიაში ეპიზოდს იმსახურებს.

ფასიანი ქაღალდების კანონის შესაძლო დარღვევის გამო, კომისიამ მიზანში ბირჟა Kraken ამოიღო. ახალმა დირექტორმა, დეივ რიპლიმ უარი თქვა იმ ტოკენების დელისტინგზე, რომლებიც ჰაუის ტესტს ვერ გადიან და ახლა SEC-თან დავობს. გადაწყვეტილება ამ საქმეზე უახლოეს დღეებში იქნება მიღებული და ის მთელი კრიპტოსაზოგადოებისთვის იქნება მნიშვნელოვანი. ასევე დადის ხმები კერძო ინვესტორებისთვის სტეიკინგის სავარაუდო აკრძალვის შესახებ. Genesis და Gemini Kraken-ს გულშემატკივრობენ, რადგან მათ ანალოგიური ბრალი წაუყენეს.

კრეიგ რაიტს, რომელიც საკუთარ თავს სატოში ნაკამოტოს ნაპოლეონს უწოდებს, კვლავ შავი ხაზი მიჰყვება. ყველა მის სასამართლო სარჩელს ბიტკოინის შემქმნელად აღიარების მოთხოვნით მუდმივად უარყოფენ სხვადასხვა ქვეყნის და ინსტანციის სასამართლოები. ამჯერად მას გასასვლელისკენ მიმავალი გზა ლონდონის სააპელაციო სასამართლოში აჩვენეს, სადაც ის ცდილობდა დაეცვა თავისი პატივი და ღირსება და სასამართლო დავა ჰქონდა ბიტკოინის 16 დეველოპერთან, რომლებმაც მას მატყუარა უწოდეს. მოსამართლემ საქმის მასალები რამდენჯერმე გადაფურცლა და კრეიგის სარჩელის დაკმაყოფილების ვერანაირი საფუძველი ვერ დაინახა. უნდა აღინიშნოს, რომ დეველოპერებს სასამართლოში თავისი ადვოკატები არც კი გაუგზავნიათ.

დუბაის ვირტუალური აქტივების მარეგულირებელმა ორგანომ (VARA) ვირტუალური აქტივების მიმოქცევის წესები განაახლა. მთავარი ცვლილება ე.წ. კონფიდენციალურობის ტოკენების (როგორიცაა ZCash და Monero) აკრძალვა გახდა. გარდა ამისა, ადგილობრივ იურისდიქციებში მოქმედ ორგანიზაციებს ასევე აღარ ექნებათ უფლება, შექმნან ასეთ კრიპტოვალუტები ან მათ პოპულარიზაცია გაუწიონ. ძნელია, ამაში დაადანაშაულო ისეთი მსხვილი კრიპტოვალუტური ჰაბი, როგორიც დუბაია. ისინი გვთავაზობენ გამჭვირვალობას და ითხოვენ გამჭვირვალობას.

BitMEX-ის ქარიზმატულმა დამფუძნებელმა ბაზრის თავისი ხედვა წარმოადგინა. სპოილერი: მას ლიკვიდური ფიატი სახაზინო ვალდებულებიდან ნაღდ ფულში გააქვს და მაღალი რისკის აქტივებში (ბიტკოინი და სხვა კრიპტოვალუტა, რა თქმა უნდა). ყველაფრის ჩასადებად ემზადება. ფუნდამენტალი არტურისგან: 📌S&P500 3 თვეში 40%-ით გაიზარდა; 📌ფედერალური სარეზერვო სისტემის ბალანსი (მინუს $100 მილიარდი ყოველთვიურად); 📌ბაზარი დამატებით საერთო სახაზინო რეზერვის (TGA) გადინებიდან 500 მილიარდ დოლარს მიიღებს, რაც ინფლაციას დააჩქარებს; 📌როდესაც ეს თანხა ამოიწურება (სადღაც ივლისში), კონგრესი კენჭს უყრის შიდა ვალის ჭერის გაზრდას; 📌ბაზარი გაივსება სავალო ვალდებულებებით, რომელიც არაფრით იქნება უზრუნველყოფილი; 📌მსოფლიო ბანკები იძულებულნი იქნებიან, თავიანთი საბეჭდი დაზგები ჩართონ (ეს პროცესი უკვე დაწყებულია). "წვეულება დაიწყო!" - ასკვნის არტური.

სანამ კრიპტელები აქტიურად იყენებენ ხელოვნური ინტელექტის ახალ სათამაშოს მონეტებზე პროგნოზების მისაღებად, ტექნოლოგიურმა გიგანტმა საკუთარი დიალოგური ხელოვნური ინტელექტის სერვისის Bard-ის დაწყება დააანონსა. ტესტირების შემდეგ, ხელოვნური ინტელექტი საძიებო სისტემაში იქნება ინტეგრირებული. და მომავალში კომპანია სხვადასხვა აპლიკაციებისთვის გეგმავს შექმნას ინსტრუმენტების ნაკრები და API ინტერფეისი. Microsoft-მა, რა თქმა უნდა, უპასუხა. მოსალოდნელია, რომ რედმონდში გამართულ პრესკონფერენციაზე, სატია ნადელა "მოგვიყვება რამდენიმე საინტერესო პროექტის პროგრესის შესახებ", მათ შორის ChatGPT-ის Bing-ში რევოლუციური ინტეგრაციის შესახებ. ასევე ამ სფეროში მუშაობის შესახებ განაცხადეს ჩინელებმა Baidu-დან, რომლებიც 2023 წლის ბოლოს მზად იქნებიან წარმოადგინონ საკუთარი ბოტი ERNIE Bot.